MIC Kitchen - 親民版廚魔

Restaurant Info:

Cuisine: Innovation

Ranking: 1 Michelin Star (2015)

City: Hong Kong

Tel: +852 3758 2239

Address: KThe Restaurant Space, G/F, AIA Kowloon Tower, Landmark East, 100 How Ming Street, Kwun Tong, Kowloon

Website: http://mickitchen.com.hk/#home Background: 世界級餐廳Bo Innovation廚魔開既另一間餐廳.

Dining Info:

Date: 5th September, 2015

Time: 1:00p.m. to 2:30p.m.

Meal: Lunch

Pax: 2

With: A. Wong

Price: HKD$1,200.00 - Food: HKD$920

- Beverage: HKD$136

- Service Charge: HKD$106

Food and Comments:

Menu: Set Lunch Menu Price: $228

餐廳唔係好就腳...出左地鐵站D3, 搵巧明街, 沿住一直走, 去到AIA Tower, 路程不遠, 但30幾度咁行法, 仲要經過D工廠街... 心諗, 唔好食就賠本了. 一入到去, 第一感覺.... 凍....D冷氣太勁了吧... 香...D香薰味道又係太勁了吧.... 本身都擔心餐廳會幾full, 點知得幾枱客, 所以坐得幾舒服.

Bread (Sourdough, Squid Ink Sourdough, Focaccia) with 潮洲欖菜Mayonnaise 面包, 或者大家未必認同, 但我認為面包係一餐飯之中其中一個最重要既一道菜. 食飯, 通常第一樣食物放落口就係面包. 好既開始係成功的一半. 遇上好味面包(如有驚喜更佳), 就會更加期待呢餐飯, 比如這裏. 面包一拎上手, 熱烘烘, 剛新鮮焗起嗎? Sourdough, 外表脆, 裏面軟熟, 好香面包味, 加埋潮州欖菜mayonnaise (真心想問"這是什麼料子?"), 咸咸酸酸, 食完開胃晒. 好味! 黑色既係墨汁sourdough, 好多時食墨汁, 以為係得個黑色樣, 墨汁邊有味道? 但呢個包唔同, 竟然食得出墨魚味, 我估計整面包時真係加左D墨魚肉汁落去. Focaccia, 食過咁多間, 呢度算數一數二, 超級鬆軟, 勁香香草味 (迷迭香). 就係呢盤包, 已令我覺得大熱天時行成十分鍾過黎, 都值回票價!

1st Dish (Starter): Squid (Squid, Heirloom Tomato, Spring Onion, Kaffir Lime)

墨魚肉打到起膠, 搓成一個波, 炸! 簡單黎講, 者係炸手打墨魚丸. 好食! 墨魚味夠濃, 鍾意墨魚丸既朋友一定鍾意道菜. 配上五顏六色不同品種既蕃茄, 唔太酸(有D仲幾甜), 好清新, balance 番炸野果種油膩. 但重點其實係佢個kaffir lime. Server 話係泰式青檸汁, 我估應該仲加左香茅同其他香料. 在下係極度喜歡呢個sauce..... 酸酸地, 但帶少少甜, 味道係非常特別. 呢個kaffir lime 之前係廚魔食過, 一試難忘, 估唔到黎到呢度又再重遇, 好開心!

2nd Dish (Starter): Octopus (Pine Nuts, "Dan Dan", Brusselsn Sprouts, Squid Ink Cracker, Chili Threads, Black Garlic)

Supplement $88

八爪魚, 慢煮再炭燒, 雖然已煮到好淋, 但又不失其咬口質感, 如非在東京Yoshitake 三星米芝蓮壽司餐廳食過驚為天人既八爪魚壽司, 我都會被呢個道八爪魚擊倒. 相類似質素既八爪魚, 係尖沙咀海港城Al Molo 都會搵到, 但明顯地呢度高一個Level. 友人食完都感覺驚為天人, 開心到見牙唔見眼 (雖然佢本身眼細...). Sauce 係 "Dan Dan", 擔擔面既擔擔, 跟左D松子, 一絲絲既辣椒(最上面紅色極幼一條條果D), 同少少甜醬, 食落真係有擔擔既感覺, 發覺原來佢地同八爪魚既味道都幾Match. 最後仲有D椰菜仔芽, 墨汁脆片, 一細篤黑蒜Puree, 令呢個菜式更為豐富. 呢道菜在下強烈推介!!!

3rd Dish (Side Dish): Black Truffle "Cheung Fun", Soy Sauce

Additional $70

黑松露腸粉. 廚魔名菜. 甜豉油煎香腸粉, 加黑松露. 好味道是必然的, 但重點係發覺到成件事原來可以係咁夾,

其實份子料理成唔成功, 真係睇主觀夾唔夾....有人覺得不倫不類, 兩件事大纜都扯唔埋, 但大家不妨放開懷抱, 試下新事物, 總會發現到有趣既事情.

4th Dish (Side Dish): Molecular "Xiao Long Bao"

Additional $88

份子料理 - 份子小籠包. 每次同友人去廚魔都必點俾佢地試食. 呢道菜算係香港份子料理既始袓. 想當年, 份子小籠包,腊味飯雪糕, 同芝麻糊汽水, 呢三款野, 初出道時的確嚇親唔少人.

份子小籠包其實就係將小籠包既肉汁加上一種藻類化學物, 成為一個湯"包" (包其實係一塊好簿既膜). 上面果條係模仿小籠包既薑醋 - 醃左醋既薑絲. 重點為一啖食落去時D湯汁破膜而出爆出黎, 加埋果少少醋酸調味.

Well~ 好唔好食見仁見智, 我就覺得食小籠包還是要去鼎泰豐. 所以,除左第一次去廚魔, 呢道菜我之後都冇食過, 每次都只係叫俾朋友食. 加上....成90蚊一粒...夠我係鼎泰豐食一籠在下最心愛既蟹粉小籠包...

5th Dish (Main): Carabinero Red Prawn (Handmade Noodles, "Har-mi" Noodles)

Supplement $228

紅蝦, 係在下認為世上最好味既蝦, 想當時一星米芝蓮意大利餐廳 The Drawing Room (TDR) 還在的時候, 佢地既紅蝦意粉 - 半生熟但偏生既紅蝦, 自家製意大利粉, 用蝦殼蝦頭熬出黎既蝦汁, 三樣野加埋真係"天衣都無縫", 果種味美係世上冇野能及, 食完果一下真係會令人感到一生無侮, 深深體會到"世上無所羡慕"既意境. 但就係因為TDR 呢道菜. 以後所有既紅蝦菜式都給比下去了, 包括這裏.

這裏的紅蝦其實也不錯, 蝦味濃郁, 肉質尚算彈牙, 只係稍為煮得熟了一點, 欠缺左刺身蝦果種細緻的質感. 面食得出係自家製, 配埋自家蝦油, 幾香, 不錯! 而呢道菜既重點係蝦頭既蝦膏, 一啜, 又係"本該只應天上有"既味道, 只係TDR的呢道菜實在太強, 留低既印象太深刻, 很可惜這道菜無法給在下任何驚喜. 當然, 友人對呢道菜讚過不絕.

倘若閣下未食過TDR既, 想一試紅蝦, 這裏會是不錯的地方.

6th Dish (Main): Salmon (Preserved Black Bean, Parsnip, Salty Kumquat, Pomelo, Yuzu Red Miso)

Slow Cook左既三文魚, 再用豆鼓煎香. 出面望落好似已經熟晒, 但裏面其實仲係very pink / orange, 一片片既三文魚肉保持到其滑口Texture. 大廚其實想營造出豆豉鯪魚既感覺, 而在下同友人都食得出...只可惜...今次very sorry, 我地都覺得唔係太夾.

配菜有Parship (歐洲蘿蔔)Puree, 沙律菜, 咸柑桔既咸柑, 一堆柚子, 加埋柚子紅面豉汁, balance 番重口味既三文魚.

7th Dish (Dessert): Daily Dessert (Panna Cotta, Strawberry, Sichuan Pepper)

意大利鮮奶布丁, 上面有一層士多啤梨醬同士多啤梨粒. 味道很正常, 不錯! 特別之處係上面加左少少花椒, 就係呢個少少既辣同少少既麻令呢個平凡既甜品變得不平凡(有D人會覺得好奇怪, 始終麻辣既甜品唔係個個都接受到)

而上呢個甜品既時候, 在下同友人正正討論緊邊度既雞煲好食, 食左一啖呢個帶有少許麻辣既甜品, 還有什麼可以比這個更加應景?

Coffee

HKD$28 x 2

Water: San Pellegrino

HKD$40 x 2

Overall Comments:

Food and Drink: 食物的確很出色, 食材使用廣泛, 而每一種食材配搭, 都好明顯係花過心機時間, 唔係亂咁黎. 偶爾一餐份子料理, 俾到味蕾同思想一種細力既衝擊, 話俾自己知其實好多野都可以好夾既. 呢間餐廳, 宗旨, 食材, 菜式都同廚魔十分相似 (始終同一個大廚開), 但價錢比較親民, 菜式份量都比較大. 有機會的話, 也會常來. Environment: 餐廳裝修幾靚, 放滿晒唔同既酒, 尤其係whisky, 仲有一個大酒櫃, 但D枱的確係逼左D, 同隔離果張都幾近. 如果爆場, 應該會嘈到拆天, 不過好彩今日得小貓三四隻. 成餐飯最敗筆就係呢度既冷氣, 凍到呢...........唔知係唔係因為AIA Tower, 今日冇人番工, 冇人氣, 但D冷氣力量不減. 令到食好多菜式時, 已經失去左佢應有既最佳食用溫度. 例如三文魚已經變左超微暖(其實已接近灘凍晒).

Service: 服務不錯, Server們也有禮貌. 無論Product Knowledge同 Responsiveness 都無可挑剔. 唯一可惜既係已經見唔番果種passion同超專業既Presentation. 很多年前 (2009年), 第一次係廚魔食飯, Server介紹每一道菜既時候都俾到一種如數家珍既感覺, 而正正就係呢種感覺, 令到成餐飯成為一個完美體驗. 不過, 都很多年前了. 的確, 香港既餐廳工作很辛苦, 就體諒一下他們連強顏歡笑既精力都被長時間工作榨乾了. 這種完美用餐體驗, 對上一次, 好似已經係2011年係哥本哈根食全球第一餐廳Noma既時候了.

Worthiness: Portion其實都好大, 大部份菜式適合for share, 尤其係前菜, 邊有人可以一次食晒四粒墨魚波同咁大碟八爪魚, 唔係食唔到, 但食到第三粒時會好悶. 成餐飯計埋貼士 $1,200, 中規中矩, 算係咁了. 成餐飯, 同朋友有講有笑, 快樂不知時日過. 下次十月中再見你. 再約定你冬天食半島酒店芝士火鍋.